Kimya üzrə Nobel mükafatının qalibləri bəlli oldu

Kimya üzrə 2014-cü il Nobel mükafatı ABŞ alimləri Eric Betzig, William Moerner və Almaniya alimi Stefan Hellə verildi.

Bu alimlər super dəqiqlikli fluoressens mikroskopiyanın inkişafındakı işlərinə görə bu mükafata layiq görülüblər.

İsveç  Kral Elmlər Akademiyası  bildirir ki, “bu 3 alimin işləri mikroskopiyanı nano zərrəciklər səviyyəsinə gətirdi.”    

“Onlar fluoressens molekulların köməyi ilə mövcud dəqiqlik həddini keçdilər. Onlar işıq mikroskopiyasını nano zərrəcik ölçülərinə gətirdi”.

Fluoressens mikroskopiya üzvi və qeyri-üzvü maddələrin strukturunun şəklini fluoressensiya, işıqlanma ilə çəkməkdir.  Bu üsul tibbdə, ərzaq sənayesində mikrokimyəvi analiz zamanı geniş istifadə olunur. 

Azadliq.org