İrandan Türkiyəyə İŞİD-lə bağlı sərt xəbərdarlıq

İran İraqda və Suriyada koalisiyanın əməliyyatlarında Türkiyənin iştirakının nəticələri haqqında bu ölkəyə xəbərdarlıq edib.

Bu barədə azvision.az Türkiyə KİV-nə istinadən xəbər verir.

Məlumata əsasən Türkiyə parlamenti Silahlı Qüvvələrə xaricdə hərbi əməliyyatlar aparmağa, həmçinin ölkə ərazisində xarici hərbi kontingentin yerləşdirilməsinə icazə verdikdən sonra İran xarici işlər naziri Məhəmməd Cavad Zərif türkiyəli həmkarına zəng edib.

Zərif bildirib ki, Türkiyənin bu addımı regionda vəziyyətin gərginləşməsinə səbəb ola bilər: “Hazırda regionun bütün ölkələri ehtiyatlı olmalı və qəbul etdiyi qərarlara görə məsuliyyət daşımalıdır”.

İran XİN rəhbəri həmçinin bəyan edib ki, onun ölkəsi beynəlxalq koalisiyanın terrorizmlə mübarizədə seçdiyi metodu dəstəkləmir.

ANN.Az