Amerikalı müğənni alimentə görə həbs olundu

Birləşmiş Ştatların qalmaqallı R&B müğənnisi R.Kelli aliment ödəmədiyinə görə həbs olunub.

Bu barədə BBC məlumat yayıb.

Aliment işinə baxan Çikaqo şəhər hakimi bildirib ki, müğənni keçmiş həyat yoldaşı və uşaqlarına ödəməli olduğu 161 min dolları ödəməyincə dəmir barmaqlıqlar arxasında qalacaq.

Bundan əvvəl, fevral ayında R.Kelli cinsi zorakılıqla bağlı ittihamlara görə həbs olunmuşdu. Ondan məhkəməyə dörd qadın zərərçəkmiş qismində şikayət edib.

İttihamları qəti şəkildə rədd edən müğənni üç gün həbsdə qaldıqdan sonra girov müqabilində şərti azadlığa buraxılmışdı.