Gənc qız sığorta almaq üçün qolunu kəsdi

Sloveniyada dəhşətli hadisə baş verib.

Anews.az primetime.az-a istinadən xəbər verir ki, paytaxt Lyublyanada 21 yaşlı qızın sığorta almaq üçün ailə üzvlərinin köməkliyi ilə qolunu bilək nahiyyəsindən kəsdiyi ortaya çıxıb. Belə ki, qızı dərhal xəstəxana aparan qohumları həkimləri inandırmağa çalışıblar ki, qız ağacların budaqlarını kəsəndə bədbəxt hadisə nəticəsində qolunu kəsib. Lakin həkimlər və hadisə yerinə çağırılmış polislər kəsilmiş əli tapıblar. Hospitala aparılmış qızın kəsilmiş əli qola tikilib.

Polis məsələ ilə bağlı verdiyi açıqlamada şübhəlilərin qısa müddət əvvəl qəza sığortası etdirdiklərini bildirib. Belə ki, ailə 400 min avro sığorta və aylıq 3 min avro təqaüd almağı planlaşdırıb.

Adı açıqlanmayan gənc qız və ona kömək edən qohumu saxlanılıb. Onların 8 il müddətinə azadlıqdan məhrum ediləcəyi gözlənilir.