Kasparov İŞİD-dən danışdı

Vladimir Putin dünyada ən böyük təhlükəli adamdır və onu hərbi yolla məğlub etmək olmaz.ANS PRESS-in məlumatına görə, bunu şahmat üzrə keçmiş dünya çempionu Harri Kasparov bildirib."Newsweek" jurnalı eks-çempionun "Yahoo news"a verdiyi müsahibədə Rusiyanın indiki prezidenti barədə dediyi sözlərə geniş yer verib. H.Kasparov bildirib ki, V.Putin İraq-Şam İslam Dövləti (İŞİD) təşkilatından daha təhlükəlidir: "Putinin təhlükəsi 1000 "əl-Qaidə" təhlükəsindən çoxdur. Putini hərbi yolla məğlub etmək olmaz, İD-ni isə hərbi yolla məğlub etmək olar. Əgər ABŞ istəsə, İD-ni 24 saata yerlə-yeksan edər. Bir İD-ni dağıdacaqsınız, yerinə başqa İD gələ bilər. Ancaq sizin həmişə həll variantınız var, çünki bilirsiniz pul hardan gəlir. Siz Qətəri, Səudiyyə Ərəbistanını izləyə bilərsiniz. Hərbi koalisiya yarda bilərsiniz və bunlar İD-ni hərbi və maliyyə cəhətdən sıxışdırar: "Bütün bunları Putinlə edə bilməzsiniz. Putin daimi təhlükədir.”Onun sözlərinə görə, Putin nəyin bahasına olursa-olsun hakimiyyətdə qalmaq istəyir, bunun üçün ona qlobal sabitsizlik yaratmaq lazımdır: “Əgər o, dünyanı nüvə silahı ilə şantaj etməyə başlasa, mən buna təəcüblənmərəm.”Xatırladaq ki, 51 yaşlı H.Kasparov bundan əvvəl Twitterdə V.Putini tənqid edib. O yazıb ki, Putin diktatordur, Rusiya intellektuallarını ölkədən çıxıb getməyə vadar edir.ANN.Az