Rusiyada hərbi akademiyada partlayış: yaralılar var

Sankt-Peterburqda A.F.Mojayski adına Hərbi-kosmik Akademiyada partlayış baş verib.

Bu barədə 78.ru portalı fövqəladə hallar xidmətindən olan mənbəyə istinadən məlumat yayıb.

Nəşrin müsahibi akademiyanın ərazisində minanın partladığını iddia edir. İnsident nəticəsində dörd nəfər yaralanıb.

Binada pilləkənlərin olduğu hissə çökdüyündən 10 nəfərin çıxılmaz vəziyyətdə qaldığı ehtimal edilir.

Hadisə ilə əlaqədar əraziyə xeyli sayda xilasedici səfərbər olunub, kursantlar və akademiya əməkdaşları təxliyyə edilib. Ərazidə Federal Təhlükəsizlik Xidməti, İstintaq Komitəsi və Prokurorluğun əməkdaşları iş aparır.