Prezidentə kasıblıqdan şikayət edən qız kənddən qaçmalı oldu

Rusiyada yaşayan 12 yaşlı qız ölkə prezidenti Vladimir Putinə sosial problemlərlə bağlı məktub yazandan sonra həyatı alt-üst olub. Pskov vilayətində yaşadığı Tomsino kəndinin camaatı Taisiya Perçikovanın ailəsinə təzyiq göstərir.

Bizimyol.info xəbər verir ki, Perçikovalar məcburiyyətdən kəndi tərk etməli olub. Onlar Velikoluksk rayonunda ev alıblar. Ailə bunun üçün 330 min rubl (təxminən 5 min dollar) kredit götürüb.

Anews.az bizimyol.info-ya istinadən xəbər verir ki, kənd camaatı şikayətə görə ailəyə rahat yaşamağa imkan vermirdi. Yeniyetmələr sosial şəbəkələrdə Taisiyanın intim şəkillərini yayırdılar. Yerli icra strukturları isə Perçikovalara heç bir təzyiqin olmadığını bildirirdi.

Prezidentə kasıblıqdan şikayət edən qız kənddən qaçmalı oldu - FOTO

Taisiya Perçikova (sağda) | Foto: mk.ru

Taisiya prezidentə məktubunda acınacaqlı vəziyyətdə yaşadıqlarını yazmışdı. Məktəbli qız anasının iki növbədə işlədiyini, amma cəmi 5600 rubl (təxminən 86 dollar) qazandığını çatdırmışdı. Taisiya ölkə başçısından onlara mini-traktor bağışlamağı da xahiş etmişdi. Belədə anası bütün günü əlində bel işləməli olmayacaqdı.