Hitlerin qaçışı: Arxiv sənədləri açıqlandı: Böyük müəmma - FOTO

ABŞ-ın Federal Təhqiqatlar Bürosu Adolf  Hitlerin qaçışı ilə bağlı arxiv sənədlərinin üzərindən məxfi qrifini götürüb. 

Cebhe.info xəbər verir ki, Hitlerin 1945-ci ildə Argentinaya qaçışı ilə bağlı versiya üzərində müzakirələr başlayıb. Büronun açıqladığı sənədlərdə məhz bu barədə danışılır.

Sənədlərə əsasən, faşistlərin lideri sualtı qayıqla Argentinaya çata bilər və bundan sonra ölkənin cənub ərazisində sığınacaqla təmin olunardı. Anonim mənbə bildirib ki, buna nail olmaq üçün Hitlerə bu Latın Amerikası ölkəsinin yüksək vəzifəli məmurları kömək edib. Həmin vaxt fürrer artıq bığını qırxmışdı. Bunun tanınmamaq üçün addım olduğu təxmin edilir. Həmçinin astma və mədə yarasından əziyyət çəkirdi. 

Hitlerlə yanaşı sənədlərdə daha 50 nəfərin adı çəkilir. Bütün hadisələrin Berlinin təslim olması tarixindən - 1945-ci il 9 mayından sonrakı 2 həftədə cərəyan edə biləcəyi ehtimalı var. Hesabat özü isə 21 sentyabr 1945-ci ildə hazırlanıb.

Bu barədə məlumatlar Büronun birinci direktori Edqar Quverə çatandan sonra o, məlumatı yarımçıq hesab edib və fürrerin axtarışı başlayıb. 

Rəsmi versiyaya görə, Adolf  Hitler həyat yoldaşı Yeva Braun ilə birlikdə 20 aprel 1945-ci ildə intihar edib. Bu, Berlinin sovet ordusu tərəfindən bombardman edildiyi dövrə təsadüf edir. Onların cəsədi bağda yandırılıb.