Məktəbli qız nənəsinin “Mercedes”ini oğurlayıb polisi vurdu

Rusiyanın Çelyabinsk şəhərində yeniyetmə qız hamını heyrətləndirəcək addım atıb. 16 yaşlı məktəbli nənəsinin "Mercedes-Benz” avtomobilini oğurlayaraq polisi vurub.
Bizimyol.info xəbər verir ki, yeniyetmə nənəsinin maşınının açarlarını gecə ələ keçirib. Amma avtomobili düz-əməlli idarə etməyi bacarmayıb. Əvvəlcə onu yol nişanına çırpıb. Sonra isə avtomobili yol polisi əməkdaşının üstünə sürüb.
Çelyabinsk sakini cinayəti törədəndə 16 yaşı tamam olmadığından, ona qarşı cinayət işi açılmayıb. Üstəlik, nənə də nəvənin həbsini istəməyib. Amma məktəbli rəfiqəsi ilə qızıl sırğa oğurladığından, 2,5 il şərti cəza alıb.

www.anews.az