Suriya hökuməti: ABŞ-la əməkdaşlıq etmək istəyirik

ABŞ İŞİD-ə qarşı mübarizəni genişləndirəyini bəyan edəndən sonra, bəzi siyasətçilər və politoloqlar Suriya rejiminin başçısı Bəşər Əsədin bundan istifadə edəcəyindən narahatlıq keçirirdilər. Prezident Barak Obama isə dünənki çıxışında belə düşünənləri rahatladaraq açıqca qeyd etdi ki, radikal qruplaşmayla mübarizədə ABŞ heç bir halda Suriya hökumətiylə əməkdaşlıq etməyəcək.

ANN.Az-ın "Slate.com"a istinadən xəbər verir ki, Obama çıxışında bildirib: "İŞİD-lə mübarizədə biz öz xalqına qarşı terror törədən və legitimliyini birdəfəlik itirən Bəşər Əsəd rejiminə güvənə bilmərik". Vaşinqton əksinə, Suriya müxalifətinə dəstəyini artıracaq. 

Suriya rejiminin xarici işlər naziri Faysal Mekdad terrora qarşı mübarizədə özünün yeni "doslarını" salamlayıb. 

"Terrorizm məsələsinə gələndə biz fikir ayrılıqlarını unutmalıyıq... keçmişi unutmalıyıq... Biz danışıqlara hazırıq", - Makdad deyib. 

Suriya hökuməti hələ aylar əvvəl İŞİD-i bombalaya bilərdi, ancaq rejim beynəlxalq ictimaiyyətin bu məsələyə qoşulmasını gözlədi. 

Suriyanı hökumətini dəstəkləyən Rusiyanın BMT-dəki təmsilçisi Vitali Çurkin isə açıqlamasında bildirib ki, əgər ABŞ Suriya hökumətinin razılığı olmadan, Suriya ərazisini bombalasa, bu, "beynəlxalq əlaqələrə xələl gətirəcək, Rusiya və Çin də daxil olmaqla, beynəlxalq hüquqa hörmətlə yanaşan ölkələrə problemlər yaradacaq". 

ANN.Az