Rusiya mətbuatı Poroşenkodan qisas alır

Ukrayna, Belorusiya, Qazaxıstan prezidentləri və AB nümayəndələrinin iştirakı ilə keçən Minsk görüşündə Rusiya prezidenti Vladimir Putin siyasətdən deyil, iqtisadi məsələlər haqqında danışmağa daha çox üstünlük verib.

Axar.az rus mediasına əsasən bildirir ki, Ukrayna prezidenti Poroşenkonun sülh planının müzakirə etmək çağırışları açıq-aşkar cavabsız qalıb. Ekspertin fikrincə, Putin nümayişkaranə şəkildə bildirir ki, müharibə və sülh məsələlərini müzakirə etmək üçün Poroşenkonu eynihüquqlu partnyor hesab etmir, bu, Moskva və Vaşinqton danışıqlarının mövzusudur.    

O da vurğulanır ki, Minskə ilk gələn Poroşenko olub. O, ümumi görüşdən əvvəl AB-nin xarici siyasət üzrə komissarı Ketrin Eşton, Belorusiya Prezidenti Aleksandr Lukoşenko və Qazaxıstan Prezidenti Nursultan Nazarbayevlə təkbətək görüşlər keçirib. Putin isə Minskə gələn ən son iştirakçı olub.  

Xatırladaq ki, rus mediasının bu xəbəri daha çox cavab təsiri bağışlayır. Bundan öncə Poroşenkonun Putinlə görüşdə aldığı ovqat Ukrayna mediası vasitəsilə bütün dünyada yayılmışdı. Videoda Poroşenkonun Putini düşmən kimi qəbul etdiyi görüntülənirdi.

ANN.Az