Putinin sözçüsü təqib olunan müğənnindən danışdı

RF prezidenti Vladimir Putinin mətbuat katibi Dmitri Peskov musiqiçi Andrey Makareviçin dövlət başçısına açıq məktubunu şərh edib.

Axar.az “Danışır Moskva” radiosuna istinadən xəbər verir ki, mətbuat katibi musiqiçinin şikayələndiyi təqibi ictimaiyyətin reaksiyası kimi xarakterizə edib.

Xatırladaq ki, bazar ertəsi Makareviç Putinə açıq məktub göndərib və prezidentdən xahiş edib ki, KİV-in son üç həftədə musiqiçinin ünvanına yağdırdığı “böhtan və çirkab” selinə son qoysun. Andrey Makareviçin fikrincə, haqqındakı fikirlər 12 avqustda Svyatoqorsk şəhərində Donetsk qaçqınlarının düşərgəsindəki çıxışı ilə bağlıdır. Həmin konsertdən sonra Rusiyanın bir çox ictimai xadimləri və siyasətçiləri bildiriblər ki, Makareviçin hərəkəti anti-Rusiya xarakteri daşıyır.

Peskov radiostansiyanın efirindən bildirib ki, “musiqiçinin təqib kimi qələmə verdiklərini ictimai rəy də adlandırmaq olar. Burada prezidentə şikayət etməyə dəyməz. Bununla belə, Peskov onu da deyib ki, məktub barədə prezidentə məlumat verəcəyəm, ancaq məktubun niyə məhz Putinə ünvanlandığını anlamıram”. 

ANN.Az