Ərdoğan ABŞ-la razılaşmadan danışdı

Cümə namazından çıxan zaman jurnalistlərin suallarını cavablayan Prezident Ərdoğan, ABŞ-la baş tutan razılaşma haqqında açıqlama verib.

"Bir neçə gün öncə ABŞ prezidenti Donald Trampla telefon danışığımızda ona Ankaraya heyət göndərə biləcəyini və heyətlərarası görüş keçirə biləcəyimizi bildirdim. Sağ olsun, cənab Pensin rəhbərliyi altında dövlət katibi Mayk Pompeo və digər yoldaşlardan ibarət nümayəndə heyəti göndərdi. Görüş dünən baş tutub.

Görüş nəticəsində 13 maddəlik ortaq anlaşmamız oldu. Məlumdur ki, artıq 120 saatlıq müddət işləyir.. Bu müddət ərzində YPG terror qruplaşması təhlükəsiz zona kimi müəyyənləşdirdiyimiz bölgəni tərk etməlidir. Razılaşmamızı digər özəlliyi isə odur ki, bizimkilər də (Türkiyə Silahlı Qüvvələri.-red) orada qalacaq. Terrorçuların bölgəni tərk edib-etməyəcəklərinə nəzarət edəcəklər.