İŞİD daha bir peyğəmbərin türbəsini dağıtdı - FOTO

Türbə və ətrafındakı məscid yerlə-yeksan edilibİslam Dövləti ("İraq Şam İslam Dövləti" – İŞİD) terror qruplaşması Hələb şəhərinin şimalında yerləşən və iyulun 14-də ələ keçirdiyi türkmən kəndi Toybukda həzrəti Davud peyğəmbərin türbəsini buldozerlərlə dağıdıb. ANS PRESS-in mləumatına görə, bu barədə “Al Jazeera” xəbər yayıb.Qruplaşma üzvləri türbə ətrafında yerləşən və ziyarətçilərin namaz qıldıqları məscidi də dinamitlə partladaraq, məhv ediblər. Həzrət Davud (ə.) adına inşa edilmiş türbənin tikildiyi tarix məlum deyil.Türkmən kəndi olan Toybuk Osmanlı şahı Yavuz Sultan Səlimin Misir səfəri zamanı Məmlük dövləti ilə keçirdiyi döyüşün olduğu yerdir.Yerli camaat tərəfindən Dabik adlandırılan kəndin 5 min əhalisi olsa da, son hücumlardan sonra kənddə bir çox ailələr evlərini tərk edərək gedib.Qeyd edək ki, İŞİD terror qruplaşması bundan əvvəl isə Suriyanın Qamışlı bölgəsində Naqşibəndi təriqətindən olan şeyxlərin türbələrini bombalamışdı.  ANN.Az