Peterburqda iki mərkəzi partlatmaqla hədələdilər - Partladıcını Azərbaycandan apardıqlarını yazıblar

Dünən Peterburqdakı "Qalereya" ticarət mərkəzinin üç əməkdaşının şəxsi ünvanına iki mərkəzdə-"Qalereya" və "Jemçujnaya plaza”da terror aktı təhdidi ilə məktublar gəlib.

Təhdid məktubları guya daha əvvəl Peterburq metrosunun iki stansiyasını partlatmaqla hədələmiş Moskva vəkilinin (adı göstərilmir) qızı tərəfindən imzalanıb...

Agentliyə məlum olub ki, məktub müəllifləri adları göstərilən ticarət mərkəzlərində eyni vaxtda 15 bomba partlatmaqla Şimali Qafqazın islam respublikalarının və Suriyanın "işğalı" üçün qanlı qisas vəd ediblər. İddia olunub ki, guya partlayıcı maddələrin bir hissəsini "Dağıstana, Türkiyə və Azərbaycandan keçirməklə Suriyadan" gətiriblər.

Agentlik xatırladır ki, təhdid məktubları "Peterburq metropoliteni" idarəsinin rəsmi saytına 7 noyabrda mobil telefon nömrəsindən ibarət pulsuz elektron poçtdan daxil olub. Açıq girişdə Moskva Vəkillər Palatasının üzvü onu öz nömrəsi kimi göstərir. Deyilənə görə, hüquqşünas mövcud hakimiyyətə kəskin tənqidi münasibəti ilə məşhurdur. Hazırda vəkilin həqiqətən də bu cinayətdə iştirak edib-etməməsi dəqiqləşdirilir.

Agentliyin yazdığına görə, binalara və ətrafdakı ərazilərə baxış keçirilib, lakin təhlükəli heç nə aşkar edilməyib, təxliyə də aparılmayıb.