“Ebola”nın dərmanı tapıldı?

Kanada “Ebola” virusu ilə mübarizə aparmaq üçün peyvənd hazırlayıb.ANN.Az ANS PRESS-ə istinadən xəbər verir ki, yeni dərman hazırda təcrübə mərhələsindədir. Kanadalı həkimlər peyvəndi artıq Dünya Sağlamlıq Təşkilatına təklif ediblər.Kanada səhiyyə naziri Rona Ambrose Dünya Sağlamlıq Təşkilatının prezidenti Marqaret Çana zəng edərək yeni peyvənd barəsində məlumat verib. Ambrose hazırda əllərində “VSV-EBOV” adlı peyvənddən 1500 ədəd olduğunu söyləyib. O bildirib ki, bunun min dənəsini Ümumdünya Səhiyyə Təşkilatına verməyə hazırdır:“Əlimizdəki bu dərmanı təhlükəli epidemiyanın qarşısını almaq üçün təqdim etmək istəyirik. Ümid edirik, faydalı olar”, - deyə kanadalı nazir bildirib.Kanada Xalq Sağlamlığı Agentliyi sədrinin köməkçisi Qreqori Teylor da açıqlama verərək peyvənd barəsində danışıb. O bildirib ki, peyvəndin ən yaxşı istifadə metodunu müəyyən etmək üçün təcrübə aparılır. Taylor əllərindəki peyvənd nümunəsindən 10 ədədinin test üçün Cenevrəyə göndərildiyini də söyləyib.Qeyd edək ki, hələlik heç bir müalicə üsulu və peyvəndi olmayan “Ebola” virusu bu günə qədər mindən çox adamın ölümünə səbəb olub. Bu virus sudan və ya havadan deyil, xəstələrin bədən mayeləri yolu ilə yayılır.ANN.Az