Kadırov Paşinyanın düşmənini dəstəklədi

Rusiyanın Çeçenistan Muxtar Respublikasının başçısı Ramzan Kadırov Ermənistan Milli Təhlükəsizlik Xidmətinin keçmiş direktoru Artur Vanetsyanı yubileyi münasibətilə təbrik edib.

Çeçen lider bu barədə İnstaqram hesabında yazıb.
"Bu gün qardaşımız Artur Vanetsyanın doğum günüdür. Gənc olmasına baxmayaraq, Artur Vanetsyan general rütbəsinə yüksəlib, əla təhsil alıb. Əminəm ki, Artur Vanetsyan rus xalqının böyük dostudur və Rusiya ilə Ermənistan arasında münasibətlərin möhkəmləndirilməsinin tərəfdarıdır. Artur Vanetsyanı ad günü münasibətilə ürəkdən təbrik edirəm, cansağlığı və uğurlar arzulayıram”, - deyə R. Kadırov əlavə edib.
Artur Vanetsyan bir müddət əvvəl Nikol Paşinyan hökumətini yanlış siyasət yürütməkdə və ölkənin təhlükəsizliyini təhdid etməkdə ittiham edərək postundan getdiyini açıqlayıb. Rusiyada təhsil alan erməni general Kremlə yaxınlığı ilə seçilirdi.(virtualaz.org)

www.anews.az