"Əks halda İranı Liviyanın taleyi gözləyir" - Rusiya siyasətçisi

Rusiya Liberal Demokrat Partiyasının lideri qalmaqallı siyasətçi Vladimir Jirinovski yenə maraqlı açıqlamalarla diqqət çəkib.

Rus siyasətçi öz "Telegram” kanalında paylaşım edərək İrana məsləhətlər verib.
Jirinovski qeyd edib ki, ABŞ-ın İran generalını öldürməsi bu ölkənin yaxın şərq haqqında işğalçı planlarından xəbər verir:
 Vladimir Jirinovski

"ABŞ indi cəhd edir ki, Rusiya və Çinə də zərbələr endirsin. Onların məqsədi yaxın şərqdəki alovu regionun bütün dövlətlərinə yaymaqdır. İran isə bu ssenaridən qaçmaq istəyirsə, bizimlə işbirliyi qurmalıdır. Onlar bizə kömək üçün müraciət etməli, Rusiya isə Hind okeanı sahillərində hərbi-dəniz bazası, eləcə də hərbi hava və quru qoşunları bazaları yerləşdirməlidir.
Bundan əlavə, İrana hava hücumundan müdafiə qurğuları da sata bilərik ki, öz səmalarını düşmənlərdən qoruya bilsinlər. Əgər bütün bunları eləsə, İran yaşayacaq, əks halda onu da Liviyanın taleyi gözləyir. Biz əlbəttə ki, bunu arzulamırıq”. (oxu.az)

www.anews.az