Pivə oğlanı qıza çevirən ən təhlükəli alkoqollu içki adlandırılıb

Rusiyalı narkoloq  ən təhlükəli və ən az sağlamlığa ziyan vuran alkoqollu içkinin adını açıqlayıb. 

 

Rusiyalı narkoloq Daniil Pokrovskinin sözlərinə görə, insan orqanizminə ən təhlükəli olan içki pivədir. Çünki bu  içkinin tərkibində ağır metal sayılan kobalt var. 

 

"Metal olduqca toksik elementdir. O, ürək əzələlərində yığılır və piylənmə yaradır", - deyə həkim REN TV-yə verdiyi müsahibədə bildirib. 

 

Pokrovskiy vurğulayıb ki, bu istənilən alkoqol qəbulu zamanı baş verir, amma pivə qəbulu zamanı daha tez baş verir. 

 

"Pivənin tərkibində qadın orqanizminə məxsus bitki mənşəli  cinsi hormon olan fitoestrogen var. Bu hormon isə oğlanı qıza çevirə bilər. Belə ki,  insann qarın hissəsində piy təbəqəsi yaranır. Fəal hormonal hüceyrələrdən ibarət olan bu piylər estrogen buraxır. Piylər öz özünü  qidalandırır və kişi orqanizmində olması məsləhət bilinməyən əlavə qadın hormonları  hasil edir. Bütün bunlar  potensiyanın azalmasına, kişilərin cinsi sistemində yaranan dəyişikliklər  sonsuzluğa  səbəb olur", - deyə narkoloq vurğulayıb. 

 

İnsan orqanizminə ziyan vurmayan hansı alkoqollu içkilər içmək olar? sualına cavada isə Pokrovskiy  bildirib ki, tərkibində  çoxlu sayda mikroelement və vitamin olan qırmızı şərab  içmək məsləhətdir.