Feysbukda canlı yayın açdı, 17 nəfəri öldürdü

Tailandın Nakhon Ratçhasima şəhərində atışma baş verib.
 
Modern.az xarici mediaya istinadla xəbər verir ki, hərbi düşərgədə hərbçilərdən biri öz kamandirini və daha iki nəfəri güllələyərək oğurluq avtomobildə hadisə yerindən qaçıb.
 
Daha sonra ticarət mərkəzi istiqamətində hərəkət edən cinayətkar qarşısına çıxan insanlara atəş açıb və öz hərəkətlərini feysbuk vasitəsi ilə canlı yayımlayıb. Bir müddət sonra onun feysbuk səhifəsi bağlanıb.
 Məlumata görə, hadisə nəticəsində 17 nəfər həlak olub, 14 nəfər isə yaralanıb.
 
Bildirilir ki, hazırda cinayətkar "Terminal-21" ticarət mərkəzinin 4-cü mərtəbəsində 16 nəfəri girov götürüb. Hüquq-mühafizə orqanlarının əməkdaşları ordu ilə birlikdə cinayətkarı saxlamaq üçün əməliyyat keçirirlər.

www.anews.az