“Facebook” külli miqdarda vergidən yayınıb

"Facebook” şirkəti 9 milyard ABŞ dolları məbləğində vergidən yayınıb.

"Report” "Reuters”ə istinadən xəbər verir ki, bu barədə ABŞ-ın Daxili Gəlirlər Xidməti (İRS) açıqlama verib.

Qurumun verdiyi məlumata görə, "Facebook” 2010-cu ildə İrlandiyadakı törəmə şirkətinə süni azalan qiymətlərlə əqli mülkiyyət satırmış.

 

Bu sövdələşmənin dəyəri 6,5 milyard ABŞ dolları məbləğində dəyərləndirilir. Bundan əlavə, gəlir vergisi ABŞ-da 35% olduğu halda, İrlandiyada cəmi 12,5%-dir.

"Facebook”dan bildirilib ki, beynəlxalq maliyyə bazarlarına çıxmaqla bağlı risqlərə görə həmin fəndi işlədiblər.