COVID-19 Avropada uçuşların kəskin azalmasına səbəb oldu

Hava Naviqasiyasının Təhlükəsizliyi üzrə Avropa Təşkilatı ("Eurocontrol”) koronavirusa görə, Avropa səmasında uçuşların 88 faiz azaldığını bildirib.
"Anadolu” agentliyi xəbər verir ki, açıqlamada 29 mart 2020-ci ildə keçən ilin həmin günü ilə müqayisədə 24470 az uçuş həyata keçirildiyi qeyd edilib.




Sözügedən müddətdə uçuşlar Türkiyədə 94%, İspaniya, Fransa, İtaliyada 93%, İngiltərə, Almaniyada 87%, Niderlandda isə 85% azalıb.
Açıqlamada bildirilir ki, 28 martda Avropa ilə ABŞ arasında uçuşların əvvəlki ilin eyni gününə nisbətən 75% azaldığı məlum olub.
Qeyd edək ki, "Eurocontrol” təşkilatının 41 üzvü var.

www.anews.az