Ermənistanda məhbuslar aclıq aksiyası keçirir

Ermənistanın "Vanadzor” həbsxanasında 20-yə yaxın məhbus aclıq elan edib.

"Report” "Sputnik Armeniya”ya istinadən xəbər verir ki, bunu Çiçəklənən Ermənistan Partiyasından olan deputat Gevork Petrosyan aprelin 22-də parlamentin növbədənkənar iclasında bildirib.

Onun sözlərinə görə, 20 məhbus məhkəmə icraatı uzandığı üçün aclıq elan ediblər.

Bu partiyanın başqa bir deputatı Naira Zoqrabyan isə deyib ki, məhbusların tələbinin təmin olunması ilə bağlı addım atılmasa aksiyaya qoşulanların sayı artacaq.