İranda koronavirusa yoluxanların sayı 88 mini ötdü
24.04.2020 14:02
İranda daha 93 nəfər koronavirusun qurbanı olub.
"Report” IRNA-ya istinadən xəbər verir ki, İran Səhiyyə Nazirliyinin sözçüsü Kiyanuş Cahanpur ölkədə infeksiyadan ölənlərin sayının 5 574 nəfər olduğunu deyib.
O bildirib ki, daha 1 168 nəfərdə koronavirus aşkarlanıb və bununla da infeksiya daşıyıcılarının sayı 88 194 nəfərə çatıb.
K.Cahanpur həmçinin 66 596 nəfərin koronavirusdan sağalaraq xəstəxanalardan buraxıldığını söyləyib.
O, həmçinin 3 121 pasiyentin vəziyyətinin ağır olduğunu vurğulayıb.
Qeyd edək ki, ölkənin parlament sədri Əli Laricani, birinci vitse-prezidenti İshaq Cahangiri, sənaye, mədən və ticarət naziri Rza Rəhmani, səhiyyə nazirinin müavini İrəç Hərirçi, vitse-prezident Məsumə Ebtekar, ali rəhbərin beynəlxalq məsələlər üzrə müşaviri Əli Əkbər Vilayəti, fövqəladə hallar təşkilatının başçısı İsmayıl Naccar, sabiq ədliyyə naziri Mustafa Purməhəmmədi də daxil olmaqla 23 deputat koronavirusa yoluxub.
Martın 11-i koronavirusa yoluxmuş İran parlamentinin millət vəkili Zöhrə İlahian və səhiyyə nazirinin müavini İrəç Hərirçi tam müalicə olunaraq evə buraxılıb.
Dünyada koronavirus infeksiyasına indiyədək yoluxanların sayı 2 736 000-i ötüb. Bunların 751 799 nəfəri sağalıb, 191 422 nəfəri isə ölüb.
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Foto
Video
