ABŞ-da 2 yük maşınında 100 cənazə aşkarlandı

ABŞ-ın Nyu-York şəhərində bir cənazə evinin qarşısında iki mikroavtobusda 100 nəfərlik cənazə aşkarlanıb.

Yeniavaz.com xəbər verir ki, iki yük maşınından gələn pis qoxular ətrafda yaşayan sakinlərin şikayətinə səbəb olub.

Hüquq mühafizə orqanları apardığı araşdırmaya görə, iki mikroavtobusdan 100 nəfərin meyiti aşkarlandı. Yük maşınlarında soyutma sistemi olmadığından meyitlərin çürüməyə başladığı bildirilib.

Bruklindəki cənazə evi rəsmiləri, ölümlərin artmasına görə içəridə yer olmadığı üçün cənazələrin yük maşınında saxlanıldığını etiraf ediblər.

Əşya daşımaq üçün istifadə olunan yük maşınlarında soyutma sistemi yoxdur, cənazələr müvəqqəti olaraq orda saxlanılıb. Meyitləri aşkar edilən şəxlərin isə ölüm səbəbi açıqlanmayıb.