Obama: “Boeing-777” separatçıların nəzarəti altında olan ərazidən vurulub

ABŞ prezidenti Barak Obama Malayziyaya məxsus “Boeing-777” sərnişin təyyarəsinin Ukrayna ərazisində vurulması ilə bağlı bəyanatla çıxış edərək, təyyarənin separatçıların nəzarəti altında olan ərazidən vurulduğunu təsdiqləyən sübutun olduğunu qeyd edib.

“Təyyarənin separatçıların nəzarəti altında olan ərazidən zenit raketi ilə vurulduğunun təsdiqi var”, deyə Obama qeyd edib.  

APA-nın “UNN”ə istinadən verdiyi xəbərə görə, Obama, həmçinin, “Boeing-777” sərnişin təyyarəsinin vurulmasını araşdırmaq üçün Moskvanı, Rusiya yönümlü separatçıları və Kiyevi atəşkəsə çağırıb.  

Onun sözlərinə görə, istintaqa mane olmaq yolverilməzdir, araşdırma iştirakçılarının hadisə yerinə gəlişinə bütün imkanlar yaradılmalıdır. 

ANN.Az