Dünyanın ən varlı adamı məlum oldu

Meksikalı milyarder Karlos Slim yenidən dünyanın ən varlı adamı seçilib. "Forbes" jurnalının ənənəvi "Dünyanın ən zəngin adamları" reytinqində Slimin varidatının ötən illə müqayisədə artaraq 79,6 milyard dollara çatdığı bildirilir. ANN.az "buro247.az"-a istinadən xəbər verir ki, o, reytinqin ötənilki lideri, Microsoft korporasiyasının banisi Bill Geytsi 500 milyon dollar geridə qoyub. B.Geytsin 79,1 milyard dollarlıq varidatı var.Karlos Slimin varidatının sürətlə artımı onun əsas aktivi, Meksikanın telekommunikasiya bazarında əsas yer tutan America Movilin dəyərinin yüksəlməsi ilə bağlıdır. K.Slim Meksika ilə yanaşı, Latın Amerikasının bir sıra ölkələrinin telekommunikasiya bazarının əsas fiqurudur.ANN.Az