Bu ölkədə karantin rejiminə qarşı etirazlar başlayıb

Almaniyanın paytaxtı Berlin şəhərində koronavirusla mübarizə çərçivəsində tətbiq olunan qadağalara etiraz olaraq keçirilən iğtişaşlarda 5 asayiş keşikçisi yaralanıb.


APA-nın  verdiyi məlumata görə, bu barədə şəhər polisi məlumat yayıb.


Bildirilib ki, etiraz nümayişində minə yaxın şəhər sakini iştirak edib: "Ümumilikdə, polis tərəfindən 300-dən çox iğtişaşçı saxlanılıb. Onların əksəriyyəti barəsində xüsusi karantin rejiminin tələblərini kobud surətdə pozduqlarına, eyni zamanda hüquq-mühafizə orqanları əməkdaşlarına müqavimət göstərmə, hücum etmə, bədənə xəsarət yetirməyə görə cinayət işləri başlanılıb”. 



Xatırladaq ki, artıq bir neçə həftədir ki, Almaniyanın müxtəlif şəhərlərində analoji etiraz aksiyaları keçirilir.

www.anews.az