İranda bir gündə koronavirusdan rekord ölüm

İranda son 24 saat ərzində daha 229 nəfər COVID-19 yoluxucu xəstəliyi səbəbindən həyatını itirib.

"Qafqazin xəbər verir ki, bu barədə İran Səhiyyə Nazirliyinin sözçüsü Sima Səadət Lariyə açıqlama verib. Bildirilib ki, bu pandemiya başlayandan etibarən bir gündə qeydə alınan ən yüksək ölüm sayıdır.

Ötən gün ərzində ölkədə daha 2 625 insanda koronavirusa yoluxma faktının aşkarlanması ilə yoluxanların ümumi sayı 278 min 828-ə çatıb. Bu günə qədər ümumilikdə 14 min 634 nəfər xəstəlik səbəbindən həyatını itirib, 242 min 351 pasiyent isə müalicə olunaraq sağalıb.