Berlindəki etiraz aksiyalarında 45-dən çox polis yaralanıb

Almaniyanın paytaxtı Berlində müxtəlif etirazlar aksiyaları, o cümlədən koronavirus infeksiyasının yayılması ilə əlaqədar tətbiq edilən məhdudiyyətlərə qarşı nümayişlər zamanı azı 45 polis əməkdaşı yaralanıb.

Anews.az-ın verdiyi məlumata görə, bu barədə bazar günü paytaxt polisi məlumat yayıb.

"Bu günə qədər 45 asayiş keşikçisi zərərçəkənlər siyahısındadır. Ümumilikdə 133 nəfər də saxlanılıb”, - məlumatda belə deyilir. Buna qədər 18 polis işçisinin yaralandığı bildirilirdi.