“TikTok”un rəhbəri istefa verdi
27.08.2020 10:49
Çinin "TikTok” sosial şəbəkəsinin rəhbəri Kevin Mayer istefa verib.
"Mən şirkətdən getmək qərarına gəlmişəm və bunu ürək ağrısı ilə bildirmək məcburiyyətindəyəm”, - deyə telekanal onun sözlərindən sitat gətirib.
"TikTok” rəhbərinin sözlərinə görə, son bir neçə həftədə siyasi vəziyyət kəskin dəyişib və o, korporativ prioritetləri dəyişmək barədə ciddi düşünmək məcburiyyətindədir. Bununla belə cənab Mayer "TikTok”un parlaq gələcəyi olduğuna əminliyini ifadə edib.
Qeyd edək ki, "TikTok” sosial şəbəkəsində əsasən istifadəçilər qısa videoroliklər çəkib paylaşırlar. "TikTok” Çinin "ByteDance” şirkəti tərəfindən hazırlanıb və 2016-cı ildə Çində "Douyin adı altında fəaliyyətə başlayıb.
ABŞ Prezidenti Donald Tramp bu il iyulun 31-də bəyan edib ki, TikTok”u ölkəsində qadağan etməyi planlaşdırır. O, bununla bağlı avqustun 14-də Fərman imzalayıb. Fərmana əsasən, "ByteDance” və onun törəmə şirkətləri fərman dərc olunandan 90 gün müddətində ABŞ ərazisində "TikTok”la əlaqəli bütün aktivlərdən imtina etməlidir.
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Foto
Video
