Ukraynada separatçılar helikopterini vurdu, 9 hərbçi həlak oldu

Ukraynanın Slavyansk şəhəri yaxınlığında separatçılar “Mi-8” hərbi helikopterini vurublar, nəticədə 9 hərbçi həlak olub.

APA-nın “Ukrayna mətbuatına istinadən verdiyi xəbərə görə, bu barədə Ukrayna Milli Qvardiyasının nümayəndələri bildirib.

Məlumata görə, helikopter Karaçun yüksəkliyində havaya qalxarkən separatçılar tərəfindən zenit-raket kompleksi ilə vurulub. Məlumata görə, hadisə yerinə hərbi texnika göndərilib.

Antiterror Əməliyyatın rəsmi nümayəndəsi Vladislav Seleznyov bildirib ki, insident nəticəsində 3-ü ekipaj üzvü olmaqla 9 hərbçi həlak olub. 

ANN.Az