İranda koronavirusa qarşı dərmanların sınaqlarına başlanıldı

İranda koronavirusa qarşı iki peyvənd dərmanının insanlar üzərində sınaqlarına başlanılıb.

Anews.az xarici KIV-ə istinadən xəbər verir ki, bu barədə İran Tibb Elmləri Universitetinin rektoru bildirib.

O, sınaqlar üçün xeyli sayda könüllünün toplandığını deyib.

Daha əvvəl hökumət Ümumdünya Səhiyyə Təşkilatı (ÜST) tərəfindən səmərəsi təsdiqlənən dərmanları almağa hazır olduğunu bildirmişdi. Eyni zamanda, İran Ərzaq və Dərman Təşkilatının sözçüsü Kianuş Cahanpur beş adda yerli peyvənd dərmanının ÜST siyahısına salındığını açıqlayıb.