Ramazana hazırlıq, 10 min xalı səriləcək

Məkkədə yerləşən Məscidül-Həramdan sonra ikinci müqəddəs məscid hesab olunan Məscidi-Nəbəvi (məscid Məhəmməd Peyğəmbərin qəbrini özündə ehtiva edir. Mənası “Peyğəmbər Məscidi' deməkdir) Ramazan ayı üçün hazırlaşır. Məscidi ziyarət edənlərin ziyarətlərini rahat etmələri üçün iş planı hazırlanıb. ANS PRESS-in məlumatına görə, Məscidi-Nəbəvi işləri üzrə baş katib köməkçisi Şeyx Əbdüləziz Əl-Falih müqəddəs ay başlamadan həyata keçirəcəkləri plan haqqında məlumat verib. Səudiyyə Ərəbistanının xəbər agentliyi SPA-ya açıqlama verən köməkçi planın icrası üçün 5 mindən çox xidmətçinin və təmizlik işçisinin işləyəcəyini deyib. Məscidin damı və həyətinə 10 mindən artıq xalı səriləcək. Günlük 300 ton zəmzəm suyu tədarük ediləcək. Məscidin içində suyu soyuq saxlayacaq 13 min termos, həyətdə 30 soyuq su deposu, iftar süfrələri üçün 2500 soyuq su qabı yerləşdiriləcək. Ramazan ayı boyunca namaz qılanlara və oruc tutanlara günəşdən qorunmaq üçün Səudiyə Ərəbistanı kralı Abdullah Bin Əbdüləzizin Məscid-i Nəbəvini kölgələndirmək layihəsi çərcivəsində 250 çətir və 436 sərinkeşdən istifadə olunacaq. Alimlər və din xadimlərinə moizələr oxumaq, dərslər verə bilmək, ziyarətçilərin suallarını cavablandırmaq üçün mərkəzlər olacaq. Əl-Falih ərəbçə bilməyən ziyarətçilərin yönləndirilməsi üçün xarici dil bilikləri olan tələbələrdən istfadə olunacağını da açıqlayıb. O. qeyd edib ki, Məscidi-Nəbəvinin həyətlərində dilənçilərə icazə verilməyəcək. Ramazan ayı boyunca buralarda iftar süfrələri qurulacaq və yaşlı, ehtiyacı olanlara yardımlar ediləcək. Qadınlar və kişilər üçün qurulacaq iftar süfrələrində gün ərzində 10 mindən çox məhsul dağıdılacaq. Onun sözlərinə görə, əsr namazından yarım saat sonra Məscidi Nəbəviyəyə yemək keçirilməsinə icazə veriləcək. Amma sadəcə xurma, çörək, qatıq və qəhvə. "Peyğəmbər Məscidi"nin təmizliyini qorumaq üçün ayyaqabılar yerləşdirilən 3 min alüminium sandıq, Ramazanın son 10 günündə dualar üçün etiqafa qalanların əşyalarını saxlamaq üçün 1000 sandıq alınıb.ANN.Az