Naziri yenə də ağlatdılar

Türkiyənin xarici işlər naziri Əhməd Davudoğlu iştirak etdiyi tədbirdə riqətə gələrək ağlayıb. ANS PRESS-in məlumtına görə, hadisə “Gənc İnkişaflar” akademiyasının final proqramında baş verib. Tədbirdə çıxış edən Davudoğlu öz təhsil aldığı dövrdə baza imkanlarının məhdud olduğunu, 1973-cü ildə Türkiyədə oxuya biləcəkləri sadəcə 273 kitab olduğunu xatırladıb. Gəncliyindən bəri Türkiyənin gələcəyi üçün xəyallar qurduğunu deyən Davudoğlu Türkiyə xarici siyasətində onu yuxu görməkdə ittiham edənlərə səslənib. “Bu xalqın gələcəyi üçün xəyallar qurduq. Bu gün həmin xəyalları həyata keçirmək üçün səy göstəririk. Babalarımızın can verdiyi vətən üçün irəliləyirik. Xəyalları olmayanlar utnsın”. Türkiyənin baş diplomatı həmçinin “vəzifə” adlı kreslonun oddan olduğunu vurğulayıb. Sonda Davudoğlu özü barədə hzırlanmış filmə baxanda riqqətə gələrək göz yaşlarını saxlaya bilməyib. Əhməd Davudoğlu daha əvvəl də Fələstində İsrailin açdığı atəş nəticəsində qızı ölən kişini qucaqlayaraq ağlamışdı. ANN.Az