Əhmədinejat İranın hazırkı hakimiyyətini tənqid etdi

İranın keçmiş prezidenti Mahmud Əhmədinejat İran xalqın hakimiyyətə qarşı narazılığından danışıb.

Keçmiş prezident Qum şəhərində görüşdüyü bir heyətlə ölkə rəhbərliyini tənqid edib. O bildirib ki, xalq İran hakimiyyətindən heç bu qədər narazı qalmayıb:

"İnsanların narahatlığının yüksək səviyyədə olmasını görmək üçün küçələrə çıxmaq kifayətdir. Biz həyatımız boyunca cəmiyyətdə bu qədər narazılığı görməmişdik”.

O bildirib ki, idarəetməyə qarşı etiraz edən insanlar asanlıqla inqilab düşməni adlandırılırlar:

"Bu gün cəmiyyət hamısı etiraz edir. Onda bütün insanlar inqilaba qarşı çıxır?"