Hindistanda ağır yol qəzası - 14 ölü, 4 yaralı

Hindistanın Andhra Pradeş ştatında baş vermiş ağır yol-nəqliyyat hadisəsi nəticəsində 14 nəfər həlak olub, daha 4 nəfər yaralanıb.

Bu barədə Anews.az "The Times of India” qəzetinə istinadən xəbər verir.

Onun məlumatına görə, mikroavtobusla yük maşını Karnul dairəsi ərazisindən keçən yolda toqquşub, 14 nəfər hadisə yerində dünyasını dəyişib. Qeyd olunur ki, ölənlərdən biri uşaqdır. Dörd nəfər, o cümlədən iki uşaq ciddi xəsarət alıb.

Nəşrin məlumatına əsasən, yaralananlar xəstəxanaya aparılıb, onların vəziyyəti kritik qiymətləndirilir.