Hakim partiyadan silsilə istefalar

AKP-nin Qars şəhəri təşkilatı rəhbərliyi və Çorum vilayəti Sunqurlu rayon təşkilatı rəhbərliyi kütləvi istefa verib.ANS PRESS-in məlumatına görə, son günlər Türkiyənin Ədalət və İnkişaf Partiyasının (AKP)bir sıra şəhər və rayon təşkilatlarında istefalar diqqət çəkir.Qars şəhəri üzrə AKP-nin təşkilat sədri Ənsar Erdoğdunun istefa verməsindən sonra partiyanın şəhər təşkilatında 40 nəfər də istefa ərizəsini təqdim edib. Buna səbəb olaraq, 30 mart bələdiyyə seçkilərində AKP-nin Qarsın bəzi rayonlarında seçimi uduzması olub.Digər istefalar isə Çorum vilayətinin Sunqurlu rayonunda yaşanıb. Burada da partiya təşkilatının üzvləri eyni səbəbə görə istefa verib.Qeyd edək ki, iki gün öncə AKP-nin İğdır şəhər təşkilatında da kütləvi istefa yaşanmışdı. ANN.Az