Hulusi Akardan türkiyəli hərbçilərin Kabildəki hava limana nəzarəti barədə açıqlama

Türkiyənin milli müdafiə naziri Hulusi Akar Əfqanıstanın paytaxtı Kabildə yerləşən Həmid Kərzai adına Beynəlxalq Hava Limanında təhlükəsizliyin türk hərbçiləri tərəfindən qorunmasına dair gözləntilərə münasibət bildirib.

Bu barədə "Anadolu” agentliyi məlumat yayıb.

H.Akar qeyd edib ki, Kabildəki hava limanı ilə əlaqədar müzakirələr və təmaslar davam etdirilir.

"Prezidentimizin başçılığı altında danışıqların nəticələrini müzakirə edəcəyik və qərarımız təsdiqini tapdıqdan sonra planımızı həyata keçirəcəyik”, - deyə H.Akar bildirib.