İranlı aktrisa öpüşə görə üzr istədi

İranlı aktrisa Leyla Hatəmi Kann kinofestivalının prezidenti Jil Jakobu  öpdüyü üçün üzr istəyib.

Lent.az-ın “BBC”-yə istinadən məlumatına görə, İran KİV onun üzrxahlıqla bağlı müraciətini yayıb. Aktrisa bildirib ki, belə tədbirlərin təşkilatçılarına islam qaydaları ilə bağlı məhdudiyyətlər haqda  öncədən danışır.

“Bu festivalda sonuncu dəfə iştirak edəcək, yaşı 90-ı haqlamış Jil Jakobla bağlı olaya gəldikdə isə deməliyəm ki, görünür, o, danışdıqlarımı unudub. Onun yaşı üçün bunu da normal saymaq olar.

Hətta mənim əl görüşməklə bağlı xəbərdarlığım belə işə yaramadı. O, mənim babam yaşındadır. Bir də mən orada qonaq idim” -deyə, Leyla yazıb.

Aktrisa həmin görüşdə çıxılmaz vəziyyətdə olduğunu, bu məsələyə görə açıqlama verdiyi üçün isə “utandığını” da vurğulayıb.

Xatırladaq ki, İran rəsmilər onun bu hərəkətindən hiddətləndiyini bildirmiş, bəziləri onun şallaqlanmasını istəmişdi.

Leyla Hatəminin baş rolu oynadığı “Nadir və Siminin boşanması” filmi 2011-ci ildə Berlin kinofestivalının baş və  “Oskar”-ın “əcnəbi dildə ən yaxşı film” mükafatlarına layiq görülüb. Ölkəsindən kənarda o, bu rolu ilə tanınır. 

ANN.Az