ABŞ Gürcüstana 30 milyonluq raket sistemləri verəcək

ABŞ əldə olunmuş razılığa əsasən Gürcüstana ümumi dəyəri 30 milyon dollar təşkil edən tank əleyhinə portativ "Javelin” (FGM-148) raket sistemləri verəcək.

Anews xəbər verir ki, bu barədə Beynəlxalq Müdafiə İnkişafı Agentliyi məlumat yayıb.
 
Bildirilib ki, müqavilənin şərtləri Dövlət Departamenti ilə ABŞ-ın xarici siyasəti və milli təhlükəsizliyi arasında ziddiyyət təşkil etmir.
 
Məlumatda qeyd olunub ki, "Javelin” sistemləri Gürcüstanın suverenliyini və ərazi bütövlüyünü qorumaq üçün uzunmüddətli müdafiə potensialı yaratmağa kömək edəcək, ölkənin tank əleyhinə potensialını artıracaq, mövcud və gələcək təhdidlərə cavab vermək qabiliyyətini gücləndirəcək.
 
"Javelin” raket sistemləri "Raytheon” və "Lockheed Martin” şirkətləri tərəfindən müştərək istehsal olunur. Sistemlər zirehli maşınları və alçaqdan uçan hədəfləri məhv etmək üçün hazırlanıb. "Javelin” 1996-cı ildə Amerika ordusunun xidmətinə verilib. Bu sistemlər İraq müharibəsi və digər silahlı qarşıdurmalar zamanı istifadə edilib.
 
Gürcüstan "Javelin” sistemlərinin ilk partiyasını 2018-ci ildə alıb.

www.anews.az