Əlcəzairdə 25 hərbçi ölüb

Əlcəzairin Tizi-Uzu və və Bedjaya əyalətlərində meşə yanğınları ilə mübarizə və axtarış-xilasetmə işləri apararkən azı 25 hərbçi vəfat edib.

Bu barədə Əlcəzair səlahiyyətlilərinin açıqlamasına istinadən "Afrigatenews” portalı məlumat yayıb.

Əlcəzair prezidenti Abdelmacid Tebbun yanğınlar nəticəsində həlak olanların ailələrinə başsağlığı verib. Qeyd olunub ki, ölkənin bir neçə əyalətində güclü meşə yanğınları davam edir. Yeddi mülki şəxs fəlakətin qurbanı olub.