Əfqanıstandan 6 Gürcüstan vətəndaşı təxliyə edilib

Gürcüstan vətəndaşı olan 6 şəxs Əfqanıstandan evakuasiya olunub.

"Report” Gürcüstan KİV-ə istinadən xəbər verir ki, bu barədə Gürcüstan XİN başçısının müavini Aleksandr Xvtisiaşvili məlumat verib.

Bildirilib ki, Gürcüstanın Macarıstan tərəfi ilə razılığına əsasən, Əfqanıstandakı ABŞ şirkətlərindən birində müqavilə ilə işləyən 6 Gürcüstan vətəndaşı Macarıstana məxsus təyyarə ilə Tbilisi şəhərinə gətirilib.

"Hazırda Əfqanıstanda 16 Gürcüstan vətəndaşı qalıb, onların ölkəyə qayıtması üçün fəal şəkildə çalışırıq”, - nazir müavini əlavə edib.