Readmisiya edilən Ermənistan vətəndaşı polisə müqavimət göstərib

Almaniyada yaşayan 27 Ermənistan vətəndaşı "Readmisiya sazişi”nə əsasən ölkələrinə geri qaytarılıblar.

Almaniya Miqrasiya və Qaçqınlarla iş üzrə Federal İdarədən bildirilib ki, ötən gün Almaniyanın müxtəlif əyalətlərindən Köln-Bonn hava limanına gətirilən Ermənistan vətəndaşları çarter reysi ilə ölkələrinə deportasiya ediliblər.

Deportasiya prosesi zamanı David Babayan adlı Ermənistan vətəndaşı polisə müqavimət göstərib, deportasiya prosesindən yayınmağa cəhd edib. Hava limanı mühafizəçilərinin müdaxiləsi ilə David Babayan ailəsi təyyarə mindirilib.