Türkiyə gəncləri ABŞ-NATO ilə əməkdaşlığa meyllidir və çox qəzet oxuyurlar

18.11.2021 07:50

Türkiyədə gənclər arasında sorğu keçirilib.

Fridrix Nauman Fondunun dəstəyi ilə İstanbul İqtisadiyyat Araşdırmaları təşkilatının hazırladığı "Türkiyənin Gələcəyinə Gənc Baxış” adlı sorğusu gənclərin siyasi meyllərindən onların gündəlik həyata baxışlarına qədər işıq salır.

İşsizlik və maddi təminatın azlığı ailə münasibətlərinə təsir edir

Sorğuda iştirak edən gənclərin 36 faizi maddi çətinlikləri gündəlik həyatlarının bir hissəsi kimi qiymətləndirdilər. 18-30 yaşlı gənclər biznes qurmağı qarşılarına qoyulan məqsəd kimi görürlər. Gələcəkdə daha yaxşı bir cəmiyyətdə yaşamaq üçün digər ölkələrə getməyi düşünənlərin sayı 61% olduğu halda, "şəxsi inkişaf və investisiya”ya üstünlük verənlərin sayı 81 faiz təşkil edib.

İşsizlik və maddi təminatın azlığı məsələsinin də birbaşa ailə münasibətlərinə təsir etdiyi göstərilib. Hesabatda bildirilir ki, məişət zorakılığı ilə üzləşənlər əsasən işlə təmin oluna bilməyənlər və ya iş axtarmaqdan imtina edənlərdir.

Gündəm xəbərləri sosial şəbəkələrdən izlənilir

Sorğuda diqqət çəkən digər məsələlərdən biri də siyasət və gündəmi öyrənmək istəyən gənclərin ən çox harada vaxt keçirdikləri sualına verilən cavablardır. Yeniyetmələr gündəmi izləmək üçün vaxtlarının çox hissəsini Instagram, WhatsApp, Twitter və Youtube-da keçirdiklərini bildiriblər. Instagramın bütün sosial şəbəkələr arasında ən çox istifadə edilən media platforması olduğu məlum olub. Nəticələrə görə isə, gənclərin gündəmi izləməyə ən az vaxt sərf etdiyi media vasitəsi qəzetlərdir.

Gənclərin əksəriyyəti ABŞ-NATO və Avropa İttifaqı ilə beynəlxalq əməkdaşlıq etmək istəyir

Gənclərin beynəlxalq əməkdaşlığa baxışı da sorğunun nəticələri sırasındadır. Burada iştirak edən 18-30 yaş arası gənclərin bir qismi yaxın gələcəkdə ABŞ-NATO və Avropa İttifaqı ilə əməkdaşlığa müsbət baxır, böyük əksəriyyəti isə Yaxın Şərq, Rusiya və Çinlə əməkdaşlığı mənfi hal kimi qiymətləndirir.

66% iştirakçı demokratiyaya üstünlük verir

Araşdırmada iştirak edən gənclər arasında həmçinin demokratiyaya tələb kifayət qədər güclüdür. Tədqiqatın nəticəsi onu göstərir ki, hazırkı prezidentlik sistemi Türkiyənin gələcəyə baxışı deyil. Çünki gənclərin 66 faizi iştirakçı demokratiyaya üstünlük verir.
Sorğuda iştirak edən gənclərin "Prezidentliyə səlahiyyətli orqanlar tərəfindən daha ciddi nəzarət edilməlidir” sualına 37 faiz "razıyam”, 31 faiz isə "tamamilə razıyam” cavabını verib. Hesabatda həmçinin bildirilir ki, dindarlığın səviyyəsi azaldıqca, güclü və avtoritar liderliyə üstünlük verənlərin də nisbəti sürətlə azalır.

Sorğuda 18-30 yaş arası üç min gənc iştirak edib.

Mənbə: BBC türkcə

Tərcümə: Fidan Salmanova

www.anews.az

Xəbəri bəyəndiniz?

Sosial şəbəkələrdə paylaş