“Rusiyanın yazıq ordusu var, Ukrayna ilə müharibə etməyəcək” - Erməni politoloq
13.01.2022 21:10
Rusiyanın müharibədə iştirak etmək üçün kifayət qədər resursu yoxdur. Onun yazıq ordusu var, bunu erməni politoloq, tarixçi, Ermənistanın Kanadadakı keçmiş səfiri Ara Papyan "Milli Demokratik Qütb” YouTube kanalının efirində deyib.
Sabiq diplomat hesab edir ki, Rusiyanın Ukraynaya hücum etmək üçün hərbi imkanları yoxdur:
"Əvvəlki müsahibələrimdə və çəkilişlərimdə demişdim, indi də eyni şeyi təkrarlayacağam: Rusiya ilə Ukrayna arasında böyük toqquşma ehtimalını görmürəm. Rusiyanın müharibədə iştirak etmək üçün kifayət qədər resursu yoxdur. Onun yazıq ordusu var", - deyə o bildirib.
Papyan hesab edir ki, Rusiya silahlanmaya görə avropalı və amerikalı həmkarlarından xeyli geri qalır.
"Cizgi filmində göstərilənlərə yox, əsl rus pilotsuz təyyarələrinə baxsanız, güləcəksiniz. Onlar tikiş maşınlarına bənzəyirlər, heç nəyə yaramırlar. Putin böyük blef edir”, - deyə əlavə edib. ( haqqın.az)
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Foto
Video
