Latviya Ukrayna olmaqdan qorxur

ABŞ səfiri ölkəsinin Latviyalı əsgərlərlə "çiyin-çiyinə" olduğunu söyləyib

Ukraynada gedən gərginlik başqa bir Baltik ölkəsi olan latviyanı təşvişə salıb.

ANS PRESS-in xəbərinə görə, Ukrayna baş verən iğtişaşlar, parçalanma Latviyanı qorxudur. 

ABŞ səfiri Mark Pekala ötən həftə Latviya hərbi bazalarınından birində həyata keçirdiyi çıxışında inam hissini artırmaq məqsədilə ölkəsinin Latviyalı əsgərlərlə "çiyin-çiyinə" olduğunu söyləyib. 

Bundan başqa, Latviyanın yeni müdafiə naziri Raymonds Vejonis də "Cəmiyyətdə qorxu var" deyərək, Rusiyanın nəzarəti altında olmağın nə mənaya gəldiyini bildiklərini qeyd edib.

Xatırladaq ki, Latviyanın əhalisinin 25 %-ni ruslar təşkil edir və 40 % hissəsi rusca danışır. Ölkədəki bələdiyyə sədirlərinin də əksəriyyəti Rusiya tərəfdarıdır.

ANN.Az