ATƏT-in yeni rəhbəri koronavirusa yoluxub

ATƏT-ə rəhbərlik edən Polşanın xarici işlər naziri Zbiqnev Rau koronavirusa yoluxub. Bu səbəbdən o, İspaniya və Maltaya səfərlərini ləğv etmək məcburiyyətində qalıb, bu barədə Polşa Xarici İşlər Nazirliyinin mətbuat katibi Lukas Yasina özünün "Twitter” hesabından xəbər verib.

Bildirilir ki, polşalı diplomat bir müddət təcrid vəziyyətində olacaq, öz vəzifələrini isə belə bir vəziyyət üçün nəzərdə tutulmuş tədbirlərə uyğun olaraq yerinə yetirəcək.

"O, özünü yaxşı hiss edir və mövcud qaydalara uyğun olaraq təcrid olunur”, - deyə məlumata əlavə edilib.