AB-dən Rusiyaya qarşı yeni sanksiyalar

Sanksiyalara dair qərar mayın 12-ə qədər verilməlidir

AB Rusiyaya qarşı yeni sanksiyalar qəbul edəcək. 

Brüsseldə baş tutan görüşdə Avropa Birliyinə üzv 28 ölkənin nümayəndələri Rusiyaya qarşı əlavə sanksiyaların tətbiq edilməsinin məqsədyönlüyü haqqında razılığa gələ bilməyib. Ukraynanın UNİAN agentliyinin verdiyi məlumata görə, bunu Avropa Birliyinin mətbuat xidməti bəyan edib. 

Diplomatlar Avropa Birliyinə üzv-ölkələrin xarici işlər nazirlərinin mayın 12-ə nəzərdə tutulan görüşünə qədər rəsmi Moskvaya qarşı yeni məhdudlaşdırıcı sanksiyaların tətbiq edilməsi barəsində qərar qəbul etməlidirlər. 

Hazırda Rusiyaya qarşı əlavə sanksiyaların tətbiqinə Yunanıstan, Kipr, Bolqarıstan, Macarıstan, Lüksemburq, Avstriya, İspaniya, Portuqaliya və Malta qarşı çıxır.

ANN.Az