Ukraynada qanlı döyüşlər gedir

Ukraynanın Slavyansk şəhərində antiterror əməliyyat qrupunun bölmələri blokpostlara yenidən hücum edib. 

ANS PRESS-in məlumatına görə, hazırda şəhərdə antiterror əməliyyat qrupunun bölmələri ilə separatçılar arasında gərgin döyüşlər gedir. Son məlumatlara görə, 5 separatçı yaralanıb. Antiterror əməliyyat qrupunun bölmələri şəhəri demək olar ki, mühasirəyə alıb.

Son məlumatlara görə, Ukrayna ordusu rusiyameyilli qüvvələrin nəzarəti altında olan ölkənin cənub şərq vilayətlərinə girməyə hazırlaşır. Ordu ötən gündən etibarən Slavyanks şəhərinin giriş və çıxışlarını nəzarət altına alıb. Şəhər sakinləri müharibə hazırlığı görüb. Belə ki, sakinlər evlərinin qarşısında barrikadalar qurub.

Qeyd edək ki, may ayının 2-dən Ukraynanın cənub-şərq vilayətlərində antiterror əməliyyat qrupunun bölmələri ilə separatçılar arasında döyüşlər gedir. 46 nəfərin öldüyü, 200-ə yaxın adamın yaralandığı bildirilir.

ANN.Az